السلامُ عليكم، والمطر، والسلامة
رحت عنكم وردتّني دروبي عليكم
علموا قلبي النسيان، ضامه هيامه
من تعلَّم فنون الحب على يديكم
مثل من هو يدوّر بعض ليلٍ ينامه
جيتكم والليالي كلها تهتديكم
كل ما بان وجه الصبح وارخى لثامه
خاصمه قلبي اللي خابره مرتويكم
كنّ شوقي كريمٍ ملتزم في كلامه
جّر حَّر الجمر مع كل عرق وحييكم
وإلاّ كنّه نديم ٍ لي علَي احترامه
لازم اسهر معه، واسمعّه شعر فيكم
والغلا في مكانه، والوله في تمامه
والفكر ينشغل في طيفكم لو نسيكم
والله إني إلى يوم الحشر والقيامة
لاحتويكم غلا، كان البحر يحتويكم
يا مرام وغرام اللي هيامه سلامه
هذي آخر علومي.. والسلامُ عليكم