بعض البشر ذيبٍ غبر للقرابة
وبرد وسلام إذا تواجه به عداه
علت نحر فالضيق ما ينعدا به
ليث القريب وللعدا أجفل من الشاه
عقله خفيّف مثل ريش الذبابة
ولسانه أقوى من سلاحٍ بمخباة
وجهه عبوس وتعتليه الكآبة
وسم الرخامة بينٍ في محياه
على ربوعه كل يوم طلابه
هذا تبالش به وهذاك يشناه
عند الشدايد ينفلت من ثيابه
ماحدٍ على صكات الأيام ينصاه
من خلقته ما واحدٍ طق بابه
لاقيل بيت فلان مرّ وتعداه