لا طول غيابي ولا جيت بحني

لا طوّل غيابي ولا جيت .. بحني

لا ترخي الهقوه على رمح جسّاس

ولا تنحني .. لو واقع الحال محني

ولا تحفظ بصدرك سوى الطيب للناس

شفني خسرت ولا خسر من ربحني

عمرك سمعت بخاسرٍ يرفع الراس ؟!!

تطاول الواقع عليّ .. وجرحني

والصبر خلاّني تحت رحمة الياس

أما تعرّضت السموم .. ولفحني

ولاّ سرابي في دجى الليل هوجاس

زود العنا يا صاحبي ما ذبحني

لو هي غدت منه المعاليق يبّاس

لا زالت الأسماع .. تطرب ل لحني

ولا زالت جروحي بها نبض وإحساس

ف إن شفتني .. ولاّ خيالك لمحني

مرّيت في بالك ترى الحب وسواس

باكر ليا طال الغياب ومسحني

من ذكرياتك تنجلي غمّة الباس

وأمّا أنا .. مهما شعوري شرحني

ما عاد أبي غير السلامه من الناس