النزف:عزف ونوتة الشارع: عيون
المزن:حزن ودمعة الناس: لوني
الملح : صلح ولفتة الازمنه : نون
الصدق: عذق وكذبة الطين كوني
طعم العواصم /أجرة الليل / كانون
الغرفة [6] و مابقى من جفوني
شكلتني في زحمة الفقد: غليون
شبيّت صوتي والصدى في عيوني
وتْساقطت من ذاكرة موتي لحون
صدّيت / خفت سنينها يلمحوني
غنيتها للطاولة: [خمرة جنون]
ل الساعة: تك وللكراسي متوني
احيان تنساني معي/ توشك تكون
باب الرماد/ وضحكة اللي بكوني
واحيان تلغيني/ تجي كلها دون
كلي وأنا في كلها قيدوني
كرهتني فيني وانا عاجز آكون
غيري وغيري داخلي ضيعوني
أسكتوتبدا وحدتي[تسعل] شلون
صدري وكيف ان النوارس نسوني
وأتمتم الأرض اللتي قالت: غصون
قصّت من ضلوع الأخيرة غصوني
سمراء: حرية بلد/شِبْعَت سجون
فصل السوادوسكة أكثر طعوني
انثى سماها: حائط وأرضها: لون
في ثلثها ثلث النوايا عصوني
هي الزوال ومهزلة:[ باكر يجون]
حزن الحدود/ وتذكرة من جفوني
الكذب : ثقب ل امنيه مرّت ب هون
بين الضلوع وشهقتين اوجعوني
أوجع سؤال شلون هي ممكن تهون
والدمع صوتي والمنابر ردوني!