يا موطني يا موطني خير الاوطان
يا دارنا يا عزنا يا سندنا
تبقى لنا شامخ على مر الازمان
وتبقى مقر جهودنا لا اجتهدنا
وتبقى لمن ذاق التعب رمش واجفان
فيك الأمان ومن عطاك انوجدنا
غلاك فينا ما يقدر بالاثمان
حنا زرعنا من غلاك وحصدنا
طلنا وطاولنا معك غر الامزان
واستلهمت منك النفوس وصعدنا
نخدم بيوت الله بخيرك والاحسان
دون السعودية نجي في وعدنا
بارواحنا نحمي ترابك والامتان
ونذود عن حدك بغالي مددنا
نجنح لباب السلم طيبة ورضوان
وان عاد حراب المشاريه عدنا
من يوم ابو تركي يرد ابن عجلان
ما ردنا صلف الدهر عن عهدنا
تزهم وتلقى يا وطن درع الابدان
ونزيد ما ينقص لصوتك عددنا
حنا تربينا على رفعة الشان
واغلى مبادينا عليها انولدنا
هذا محمد بالوفا ثبت اركان
ولي عهد المملكة يا سعدْنا
رز العلم والعِلم في كل ميدان
حتى نهضنا بالمعارف وسدنا
وهذا ملكنا سيد الجود سلمان
من بيرق التوحيد معه اتحدنا
وهذي سياستنا كرامة وشامان
وهذي مبادينا وهذا بلدنا