قليل المواقف بيّنت لي وجوه الناس
وأنا كنت ساذج واحسب الكل صدقاني
كلام الصراحة فالبشر يكتم الأنفاس
يخلي قريب الناس من ضمن عدواني
ما دام الحقايق يعتبر قولها حساس
يمين بربي خالق الأنس والجاني
لاقول الحقايق بالوثايق وأشّد الساس
وراع الزعل من غيظه يثور بركاني
ولا همني من ينقر الطبل والمرواس
على شان يخفي سوءت فلان وفلاني
ترا الحق ما يزعج سوى الشلة الأنجاس
هل الزور والبهتان في كل الأوطاني
ولا ينهزم من ياهب الصدق له متراس
ومن يعتصم بالله قهر كل شيطاني