الارض هذي وسيعه بس مابه مفر

الارض هذي وسيعه بس مابه مفرّ

لا مر بالي من اقفى عني وصالها

نظمت قافي__على ضو احتراق السمر

والشعر نفسي من اصعب وابسط اقوالها

للي بعد راحة مْن ايديّ .. باتْفه عذر

سود الليالي غديت من اصدق عيالها

يا ليلي اللي زهى داخل سماك البدر

لو ترحم الحال.. قلي كيف هو حالها

وان كان تقدر مكاني تكشفه بالصدر

بالله انا لين هذا اليوم رجالها ؟؟؟؟؟؟

خايف عليّ ان احاسيسي تروّح هدر

واخاف مني تضيع ان كنت ما اعنالها

واخاف اضيّع بعض نفسي بسبّت قدر

يارب خذني من الضيقات واهوالها

حملت فوق الاراده في حياتي وزر

يزيد حمل الظروف القشر واشتالها

في وادي الطلح .. عيّا لا يموت السدر

متشاركين التراب و عادي اطلالها

واحلام واجد .. من ابسطها يجيهو مطر

ويكون لعروق جفت .. خير بلّالها

مدرى متى يالحياه نحس فيك العمر

( زهره ) مثل مايقول لسان من قالها

وعسير دربي متى بعده يجيني يسر

فيه المسافات .. فال الله .. ولا فالها

اليا قطعت الشبر داخله__ زوّد شبر

كنّه متاههه .. وكنّي تايه خلالها

يفور دمي .. واروح انزف شعوري حبر

يطلق سراح الجمل ويحطّم اغلالها

وآه آه .. آه آآه ،، كم في داخلي من شعر

شي اكبر اكبر .. من الشعّار واشعارها

مايطرق البال هذا .. غير شيً ندر

قصايد(ن) ماهي ان ماقيلت اشوالها

حبيبت امسي - وهذا اليوم - وآخر دهر

مدري الى وين تسحبني خطى اهمالها

هيا تعالي أحبك والليالي سهر

وان طلت الشمس؟ كنت لروحك ظلالها

أنا مساك وجمالي فيك يااضوى قمر

بس الشياطين لا تغويك باعمالها!

خلّيك حذره مثل ماني بحبّك .. حذر

لو المُنى هالزمن ع الكيف ماجالها

وان طال قطع الوصل من بيننا ..أو قصر

تبقى فبالي .. إذا اني باقي فبالها

نعيييييش .. واكبر امور العمر تبغى صبر

مافيه صابر .. ثمار الصبر مانالها

طال الكلام .. وطفى بالريح عود السمر

وانتي طيوفك معي .. اكتبك و اقرالها