يا جارح الورد غيرة زيد تجريحك
لا يرحم الورد بارق خدك الوردي
خل المعاني بقلبي تنعش بريحك
ياجمل انفاس وردٍ باح به سدي
ياما كنيت الهوى من بعد ماصيحك
والحين شفني من ورودك على حدي
اموت واحيا بورد خدودك وشيحك
واغماية الشوق لامن قلت ذا خدي!
قصدك تبي يلغي الاحراج تلميحك
وانا بنشوة مشاعر زلزلت وجدي
ياويل حالي من اعذارك وتصريحك
حرفك لساني تلعثم منه في ردي
تدري او ان كنت ماتدري فلا بيحك
واقول فيك الغزل من قدك وقدي
ياليت الايام من بعدك وتبريحك
تشفي من الشوق مايخفى لك بودي
واعيش بالفكر مع سجات تسريحك
مشغول فيني مابين مزوحي وجدي
وتعيش خوف الجفا ماعشت تلويحك
وتوقف اللعب بالوردي وبالنردي