قصير الإيد
بيركب عصايا ف عصايا ف عصايا
ولسه مش طايل
المايه من تحت تبن بينتهز كل الفرص
إسمه إيه
قاعد على أعتاب الجامع
يقول: السائل مايتوهش
: السؤال لغير الله مذله
وأسئله
غيرهم كتير شايف مترصصين إزاى!!!
عارف مين بياكل بعقلهم حلاوه
مخليهم قاعدين ف صناديق زباله
يشحتوا وراضيين
مراقب كل التحركات من تحت الترابيزه
وعنيا محشور فيها النضاره المعظمه
هفضل كده لكن لو أى حد قرب منى هيبقى السبب
مين حرق الدكان
لا أنسى أفضالك
فيا صاحب البيت
بيتك.. بيتك
نور كل الأنوار..شغل دفايتك
لو ضايقتك أوهامى يبقى غصب عنى
مش هتأخر.
جيت لكم
أنزع من على راس الأشجار باروكتها
أقطم كل العواميد الواقفه زى الألف
أحرق كل الأطارات
وأزووم
فأغرزوا الصوابع ف الودان
جيت لكم كما خريف
فما أحزن خطاكم معايا.