ألعب بحبل الوِدّ واشْهِرْ
وِتْصيبني فِيْ الوِدّ وِدْيانْ
مِنْ بُوْ حيايٍ زِجّ واسمر
وِمشربِكات بوِدّ وِقْران
نَظْرَةْ عيانك تمنع الشر
يَا رايح بْروزه فِيْ الاوزان
يَذْبَة قوامك والمضَمَّر
مْعَزّلٍ والصدر فتّان
ييتال فِيْ ثوبٍ مْشَيَّر
يَا مِنْ يذَرّيني بِالِجْنان
يَا ليت وَلْد الناس مَا مَرْ
ولا خِطَف فِيْ السكه انسان
مْفَرّعٍ قَلْبِيْ بْخَنْيَرْ
وان صَدّ بَيْ خَرّيت سكران
أشْكَل مِنْ الزينات واخْيَر
سَبْعَه وذيب الفَيّ زعلان
يَا بُوْ عَليّ عقلي مْطَيَّر
مَا اروم اوضّح لِكْ بتِبْيان