ياهجوسي قبل لاتذري الذواري
وانت مبحر وابجدياتك جزيله
فارد شراعك على طول السواري
ورحلتك في مركب أحلامك طويله
في محيطك تختصر كل المساري
واكدٍ ممشاك ماضيع دليله
مثل منهو يعبر الموج التجاري
للمحيط اللي وجوده ينثني له
مختصر للبحر الأحمر بك يماري
عابرٍ للبحر الأبيض يستخيله
يوم تطري لك مع الرحله طواري
توقد الذكرى معك سلك الفتيله
وصاحبك قلبه من الاشواق عاري
وانت مثله مالقى قلبك حصيله
بينك وبينه يحومن الضواري
ومامعك حيله ولاعنده وسيله
لا تبيعه لو يسومه كل شاري
يوم مثلك ماحصل يلقى مثيله