أنا الشهيد
أنا الشهيد من يوم ميلادي
عشت صامد للأعادي
مهما طال العمر بيه
عمري ما أنسى البندقية
وحش كاسر في نزالي
واسألوا ابن الرزية
لما جه يحتل أرضي
فكرني نايم من عشيه
لو بعينه بص لحظة
وحط عينه في عنيه
وشاف بعينه شدة رباطي
حامي عرضي فوق ترابي
جو صدري قلب صارخ
والسواعد صخر صامد
عزمي صارم مش هفيه
رمل سينا يحكي مجدي
ودمي شاهد وربي شاهد
والخلايق قبل مينا
ما سبت أرضي لقرد واطي
مهما كان الوضع فيه
مهما عشت بالدنيا أقاسي
حظل حامي ودمي غالي
أرضي غاليه مش تسالي
أرضي قبر لكل غازي
لما قلت الله اكبر
جات ملائكة تقول ورايا
حتى رمل الأرض كبر
تسلم الأم اللي ربت
ويسلم الأب اللي علم
حظل صامد للأعادي
ورايتي شاهقه في العلالي
أنا الشهيد وارض غاليه
ودمي يرخص عشان ترابي
أنا الشهيد ابن مينا وابن سيد
أنا الشهيد وابن مجدي وابن عنتر
وكل يوم يمر ٱمن
يبقى فيه عيد ميلادي