أنا لعبه؟؟! من اللي قال لك اني أنا لعبه؟!
اذا يزعل عليك الخل.. تمدي يديك ليديني
تعالي أعلّمك درس الغرام بسلمه وحربه
تعالي واسمعي الأقول.. واصغي السمع وفهميني
عجزتي لا تنالي حب شخص وتملكي قلبه
وعجزتي لا تلاقين الوفاء.. وصعبٍ تلاقيني
غديتي في مهب الريح ريشه وحالتك صعبه
وضيعتي الدروب انتي وصرتي بين دربيني
عجزتي لا تعرفي وين شرق العالم وغربه
وعجزتي لا تعرفي السبت يومك ولا الاثنيني
غدت أحلامك الهبلا سرابٍ متعب وكذبه
وصرتي حايره وحدك وعافت شوفتك عيني
بفول لك سرٍ يزعلك.. تعرفي من غدى لعبه؟؟؟
انتي اللي عجزتي تلقي واحد بين الاثنيني