اسكبي نورك على القلب ووتينه
الظلام اكرمني بغيبتك و ارهى
يابعد قلب القصيد وبعد عينه
يا نظر عيني ويا أجمل صورها
لاحضرتي كل شي تحركينه
ولا رحلتي تفقد اشعاري بصرها
لا اسألوني من سما؟ قلت السكينه
في ليالي من سما يضحك قمرها
مثل حور العين فوق الزين زينه
بلبس حورية تماوج في بحرها
كل هذا الكون من جيمه لسينه
يُختصر لكن سما صعب اختصرها
شامه وبسمه واغانيها الحزينه
والامان حزامه بلهفه عصرها
الهوا ينشر نفسها بالمدينه
و الموسيقى تلعب بخصلة شعرها