يابنت من رحتي وانا الدمع همال
وياما على شانك سهرت الليالي
والله ما غبتي ثواني عن البال
عايش على الذكرى مع الطيف سالي
اسامر الهاجس واغنيك موال
يا زين صوتك لا استرده خيالي
مهما يطول البعد بتطول الامال
وش لون ابنسى وانت لي راس مالي
اكيد بنتظرك ولو البعد طال
في غيبتك يابنت عايش لحالي
علمتني كيف ابتسم يا هوى البال
وقبلك حزين وماش شيء صفالي
خليتني اضحك كما ضحك الاطفال
وانسى العذاب وكل شيء جرالي