فيني طبع ما هو زين

فينِي طَبع ما هو زِين

أجزِي الصَّد بالمعرُوف

يذكِرني بها منّه وإحسانه

أقرَّر ثم أراجعنِي على شانه

طِبَاع الناس فيها الشِين

وكم قادِم بلا دعوه وكم مصروف

وكم يتذكَّر آهاته وأحزانه

وكم مرّه سبى قلبِي وأعيانه

أترجاه يدفِع نقد وإلَا دين

عِشقي صار ع المكشوف

فؤادِي ماطره امزانه

أنا صابِر وبالخدِين وديانه

عساه يرِق لِي ويلِيِّن

يقرأ قلب فيه حروف

مكتُوبه وفيها رسم إنسانه

وأنا راضِي بآماله وألوانه

ألَا يا خافقِي المسكِين

كفكف دمعِي المذروف

تتحرَّك براعِي الوِدّ أغصانه

وأنا والقلب في داره وعنوانه

يمُر الوقت بعد سنين

يتذكَّر شذا وهنوف

يتحكِم براعِي اليم رُبانه

متى نلقاه ننزُل قُرب شطآنه