شيلاه ياغريب شيلاه
ياحامى السويس شيلاه
خط الكنال مشيناه
واحنا البورسعيدية
حبايبك ياإسماعيلية
عشنا التاريخ عشناه
لحم واحد ودم واحد
وكتافنا بكتاف بعض
نحمى الأرض ونحمى العرض
شُهدا بواسل أدينا الفرض
وقت مانادا وطننا علينا
قلنا وطننا الغالى علينا
واحنا ب ننسى اللى بينساه.. وشيلاه
مصر يانبض القلوب والسواعد الفتيه
ولادك السوايسة صيادين ومراكبية
ركبوا بحر الكنال بحارة وبمبوطية
خرجوا م السويس عدوا عل إسماعلية
راحوا لبورسعيد يغنوا ع السمسية
غنوا للبطولة وللشهامة وللرجولة
وعاشوا يامصر بقلوبهم مؤمنين بالله.. وشيلاه
مصر ياأرض وكنانه من ربنا هديه
شعبك أخد البشارة من نبى الإنسانية
فى ترابط ليوم الدين ب إرادته القوية
ويدن الآدان للمؤمنين فى إسماعيلية
يلبى ندا الآدان سوايسة وبورسعيدية
أصيلة أولاد الكنال بقلوبهم المصرية
ولا عمرهم سجدوا غير للأله.. وشيلاه