مات مشعل.. قرب زمزم والحطيم في مِنا.. في سابع الشهرالعظيم
مات يخدم من لفوا لله ضيوف طالبين المغفره.. والله كريم
مات وآخر ما بقى في مسمعه تلبيه لله.. دعا.. ذكرٍ حكيم
يا إله الناس ومجيب الدعا ياللي بالنيات والخافي عليم
يا شديد الطَول في صبح ومسا لا إله إلا انت رحمن ورحيم
إلهم السلوان أهله والعزا في المصاب القاسي الصعب الأليم
مات مشعل في بواكير الصبا لا سبقْه انذار أو حذّر فهيم
هو درا الإنسان عن وقته متى مع بزوغ الصبح.. والا في العتيم
الأجل محتوم لو يومه أتى ما يفرق بين متعافي وسقيم
مير لو ربي بغى عبده بخير يختم افعاله على الدرب القويم
أم مشعل.. وش نعزي.. وش نقول الشهاده مالها إلا النعيم
ياعساه الشافع الوافي لكم في النهار اللي يشيّب بالفطيم
يوم ما ينفع بنون ومال فاز من أتى الرحمن بالقلب السليم
أم مشعل.. لاغديتي بلادنا وصار مشعل شعبها الوافي الكريم
كلنا عيالك.. وإنتي امنا وكلنا مشعل.. ولو قدره عظيم