اللى ثاير
واللى داير
واللى بيموت ف الخساير
واللي مش عاجبه الكلام
اللي جاي بايع ضميره
واللي خايف من مصيره
واللي مبيسمعش غيره
واللي فيه مكفيه حرام
واللي بيبث الاشاعه
واللي بيصدقها ساعه
واللي من جواه بشاعه
واللي طبعه الاحترام
واللي يشرحلي ف تويته
احنا فين جوه الخريطة
واللي مش سايبين فريضه
دقن عيره وناس لئام
واللى بالفكره الدنيئة
غير القصه ف دقيقه
قالها وبمليون طريقه
ارقدوا فيها بسلام