عشقتك مثل ما يعشق طفل حضن أمه الدافي
عشقتك مثل م اتعشق عصافير الشجر تغريد
أنا لك من مجاميعي عطيتك قلبي الوافي
وسلّمتك مفاتيح الفؤاد وسوّبه ما تريد
أبيك أتعيش في وسط الخفوق وتكشف الخافي
تشوف ان المحبة لجل عينك كل يوم إتزيد
طلبتك لا تفارقني ترى ما صار لي كافي
حرام إتغيب عن عين ن سهرها دايماً تنكيد
أنا من غبت عن عيني ونومي للجفن جافي
اطبق في خفارات السهر وأعيدها تجديد
كفاك إغياب يا خلِّي ترى حبي لكم صافي
أنا قلبي تحمّل ما يكفِّي ماحتمل تمديد
وأنا من كثر ما تكّي بكوعي تعبت أكتافي
افكر في غصونٍ طيرها ما عاد إله تغريد
عليك الله لو تأتى ركوبه لاتيّك حافي
وامدّ أخطاي في وصلك ولو حطوا برجلي قيد
يغيب الشعر بغيابك وٍِلا شفتك رجع لافي
تغنيلي بحور الشعر بحضورك لحن ترديد
قصيدي يتبع أنفاسك واشمّه في صدر قافي
يفوح إبهاجسي عطر القصيد وينتشي تمجيد