الضيف له عندي كرامه وتقدير
والعود طيبه والسمّن في يمينه
ولا الردي / مابي امسيه بالخير
ما ودي اشوفه / ولا المّس يدينه
حنا ربينا بين روس ( المسايير )
ماتقصر ايدينه بفعل السمينه
والرفقه الطيبه / ترافق مناعير
اللي لهم بالطيب (معبر) ومينه
لا تقلط بمجلس علومه مخاسير
ولا ترافق الطايح وتصبح قرينه
واليا تردى صاحبك جاوبه غير
( ان ماقدرت تعينه ) ربي يعينه
خلك قريب بمجلس اهل التباشير
يضحك حجاجه والمراحب ثمينه
عند ( الكرم ) تلقاه باول طوابير
اللي يساره ماتحاسب / يمينه
اليا فتح ( بابه ) تجيه المسايير
اليا حكو تحصد سوالف رزينه
عندي الردي جعله فدا للمناعير
اللي لهم بالطيب (معبر) ومينه
ولا الردي / تقلط عليه المخاسير
( لأنه خساره ) في حياته ودينه