نار وداعي
اللي باعك قلبي بيعه
يمكن الأيام تساعد
لا تقل لي حبه باقي
لا تعيد تاني اشتياقي
تنسى حبه وتنسى ريدة
أنبتت أجمل قصايد
هو عاند هو باعد
هو اختار لي فراقي
خلى طرفك تاني باكي
وقلبي ساهي دوام وشاكى
إنسى إنسى وسيبو يلا
ما بحب غير روحه والله
لا عرف للحب ونارو
لا لمس شوقو ودارو
تاني ما تقول لي تصالح
مستحيل كل يوم تسامح
إنت برضو عزيز وراقي
خلى قلبك تاني يفرح
عيش حياتك بعده وامرح
واترك الهم والسوالف
لا تعيش مهموم وخايف
لا تجدد التياعي
وشوق لقاه ونار وداعي
هو ناسيها المحنة
بالسرور عايش في جنة
وإنت تحيا الريد تلاقي
مهما غاب عن عيني غبت
هو هو وإنت إنت
لا بتبدلنا الليالي
ديمة ريدي وانشغالي
وارتياحي وانفعالى
وعن قريب ترجع حليمة
لي معانيها الجميلة
ولي لياليها القديمة
ذي ورود في أشجار خميلة
أصلو حبي في قلبي باقي
وليه نكابر وليه نقاوم
ريدنا صافي عفيف وطاهر
مش حرام للظن نساير
وحبك إنت ختام وآخر
لاني طالب مستحيل
لا بدور بعدك بديل
لو توادع يا جميل
أو تفارق جيل وجيل
تاني يجمعنا التلاقي