انا والحظ والمقسوم ثلاثه مانبي رابع
بِلا منّه بِلا هيّا عشانك يالفتى مثابر
انا ما اتبع سوى فكري وفكري لجلي متابع
دروب العز.. والعزّه تبرهن حجّة العابر
ولا اتطبع طبوع الوقت واترك للزمن طابع
افضّل عيشة المحروم ولا بالذلّه مكابر
تعلمني ضروف الليل ماجي للسته السابع
ولا اقاسم رغيف الفيّ عدوي لو هو بشابر
انا من جوع وجه النور طلعت بفرحة الشابع
لأني عشت بشعاعه وعن مايستره خابر
اذا عقلي رمى شماغه ضميري فوقه القابع
تفرعنت بقسى دنيا بر ورمضه وغابر
تجن جنون شيطنتي على نبعٍ جفى نابع
ولا اخشى عراقيل البشر لو دوم تتزابر
ابد ماتعرف القطوه دروب السبع وتتسابع
تموت بما عليه تعيش ولا لعضامها قابر
انا والحظ والمقسوم رفظنا لقمة الرابع
اموت ولا تجي منّه.. بكبدي ما حدٍ ثابر