وَسْطْ الزّْحَامْ
وَالزّْطِيمْ
وَالْمِيمْ
تْقَلَّبْ عَلَى نَغْمَة شَارْدَة
عَلَى وْجُوهْ
مَا تْمَيّزْ وْجَهْ الْوَلْدْ مَنْ بُوهْ
الضَّحْكَة ثَلْجْ بَارْدَة
الصّْدَرْ مْبَنْدَرْ
وَالْمِيزَانْ طَالَعْ هَابَطْ
يْقُولْ هَانَا آلصّْلاََطْ
لَمْدِينَة فَايْقَة قَبَلْ تَنْعَسْ
بَايْتَة وْفَايْقَة عَلَى لَمْشَادَّة
لَوْلاَدْ عَوْجُو وْقَلْبُو لْكَاسْكِيطْ
وَيْتُوبْ عَلَى لَكْوِيبَّة
وَالسَّرْوَالْ طَايَحْ
وَلْهِيهْ الدَّمْ سَايَحْ
وَلْمَاشِي مَاشِي
وَالْمَاجِي مَاجِي
يَارَبِّي فَاجِي
إِمْتَى تْوَلِّي الدَّنْيَا مْقَادَّة