انا ماجيتلك والله سوى اني ابيك شعور ..
يعانقني بلطف وذوق وقربٍ يمحي علاتي !
حبيبي الاول الاوحد حبيبي الطاغي المغرور
ترا عُمري فدا عُمرك ولا توصفك أبياتي !
ترفق ياحبيب الروح ترى سنيني كواها الجور
وجور البُعد يكويني وتكويني معاناتي ..
ظلام الكون طوقنّي عقب بُعدك جفاني النور
وأنت النور في دنياي ومصدر كل سعاداتي ..
ايا مُلهم كل فكري ايا تارس قصيدي حضور
حضورٍ لايق ل وصفك وتهتف لك عباراتي
دخيل الله وامان الله تراني عايش ومقهور !
وحيد وحولي قلوبٍ تسابق لجل بسماتي
تدارك وضعنا تكفى تدراك حُبنا المستور !
ترا حزني فضح وجهي وبانت كل حاجاتي
اخاف أمل من بُعدك وانا لك عاشقٍ مغمور !
وتخطف قلبي نجومٍ وتسقط كل قناعاتي ..