ما يملى عيني ياهوي البال مخلوق
الاّ أنت ياللي صرت مني وفيني
ليتك حبيبي تطفي الشوق بالشوق
القلب من بعدك ابد ما يبيني
إصحى تري قلبي غدى دم وعروق
الحب دمي وانت بينه وبيني
بين الفرح والجرح ماأشوف انا فروق
ما دامها منك أبيها تجيني
خل الليالي صبح وانوار وشروق
خلّه فرح زاهي يجدد حنيني
وباناظر العالم بنظرات من فوق
واقول يا أشواق هيّا اشعليني
ما أقول أنا عاشق ولا أقول معشوق
ابيك أنا وأنته جنونك يبيني
كانه زعل بارضيك والهم ملحوق
وكانه رضا خذني وقيّد يديني