جاي بتلومني ونسيت نفسك
واللي انا شوفته ده كله بسببك
إنسى اللوم واسألني الأول
ليه بس انا بطلت أحبك
وايه خلاك بتفكر فيَّه
وجايب كل اللوم ده عليا
هيه الدنيا اتقلبت عندك
والله غريبة احوالك ديَّه
جيتني ف مرة وقولت كلام
حب وسحر وشوق وهيام
وانا من فرحي صارحت بحبي
بس اهو داب بمرور لِيَّام
كنت باقابلك والقاك تبعد
كنت باصالحك والقاك تعند
كنت باشوفك والقاك أملي
وكنت تشوفني بقلبك لِسود
حبيت أرضك وانت عليها
حبيت كل مكان حواليها
لكن لما حقيقي عرفتك
أنا دلوقتي كرهت امشيها
حتى سعادتي نسيت أيامها
وكل حياتي نسيت أحلامها
ايه الفايده وكله سراب
أحسن حاجة بإيدي ادفنها
كل اللي اعرفه.. انك عمرك
عمر الحب ماجه يوم عندك
كنت باكبر حبك عندي
وانت بتقتل حبي ف قلبك
إنسى زماني وبطل تحلم
إنسى بقولك قبل ماتندم
كل الحب نسيته خلاص
حتى القلب ماعاد يتألم