السوهاجية...
السوهاجية
حلوه جدا في الجلبية
بنت أبوها وساتره ناسها
ست بيت تقرى ودارسة
وان مشت تمشي عادية
جامدة جدا مش طرية
بنطلونها مش محزق
والقميص مش ممزق
والكلام فيها منسق
والقعاد ليها مبستك
ليها خطوة جندي ماشي
دربوه في العسكرية
ليه تسيب السوهاجية؟
بنت ناس ومش هفية
زكية جدا مش غبية
ليه تروح تمشي بعيد
من غير شباك أو ليك طريق
وتعدي بحر بعد بحر
خايف تموت كيف الغريق؟
ليه تصيد جو العكار
وبتدي بنتك للعبيط
ابن عمك يبقى أولى
وابن خالتك مش علولا
وابن جارك قد يفيد
استر بناتك جنب راسك
أوعى تخشى من القريب
مش ضروري قايمة عالية
أو مهر عالي كالغريب
والعشا موضة قديمة
والقَعَات فيها رذيلة
واللي حابك يجي عندك
بالتهاني والفضيلة
السوهاجية... السوهاجية
خد كلامي بمفهومه
أحلى ناس في الدنيا ديه
من السودان ل إسكندرية
أهل جد مش فنطزية
من طباعهم الروجلة
والشهامة من غير أذية
والمعنظز ليه طريقة
وإن سابوه شال الصينية
ما يحبوا يمشوا في العفونة
والكلام له الرجولة
أوعى تشطح يا فلان
علمونا نكون جبال
فوق رؤوس الخلق نمشي
بالتواصل يا سوهاجية