ما أنكر الفرحة ولو أنكرَتني
بس ما خبرت الدمع من فرحتي سال
ياما وياما دنيتي كدّرَتني
الين طابت فيك يا طيّب الفال
كم انكسرت وبسمتك جبّرَتني
وأصبحت بك أقوى من القيل والقال
واثق ولك كلّ الخُطى سيرَتني
راسي بحبك مثلما ترسي جْبال
عذرْتني يوم البشر ما عذرَتني
صدّقْتني وأقصيت واشي وعذّال
يكفي أحاسيسك إلى من طرَتني
ترسل رسالة وأنت تطري على البال!
يا ليتها الأقدار بك خيّرَتني
ولا ضاع عمري بين حِلٍّ وترحال
لكن وكاد لحكمةٍ أخّرَتني
لقيت بك درب السلامة ولو طال