ازاي بيهون عليهم

ازاي بيهون عليهم..

يقتلوا الإحساس؟

ويحاربوا البسمة تِبهَت..

والجمال ينداس

كم الفشل بيسود..

م الخوف

أو من ظنون الناس

لما يقيدوا الحرايق

ويحاربوا الحب لما.. يفقد الأنفاس؟

يكونش الحزن لعبة..

وغاية شُغلهُم؟

يكونش الحب أصلاً..

هربان من زنُّهم؟

من عتمة جوه منهم

وصفار ساكن قلوبهم

وصعب الناس تفكر..

يوم حتى تحبهم؟

ملعونة أي بخَّة.. من سم حلقهم

بتحارب كل طيبة

وتقرَّب ناس كئيبة

الناس أجناس حقيقي

في الملة وكل شيء

حتى ف دقة قلوبهم والطيبة والحقارة

وأحوالهم الغريبة.