لو تدرين

لو تدرين….!

بغيابك كنت اسأل

نفسي

قرّة قلبي

راحت وين..!

كم ساعه مرت

ما ادري..!

ساعه .. مدري!!

اربع .. مدري..!

يمكن عشره

او عشرين!!

ما أدري ..ولاّ تدرين..!

لو غيابك يحسب بالقلب

و دقاته!!

او هقواته..!

او ايماني بعد شوي

اتجين..!

او وش كثر اكتب لك

و امسح..!

ماتدرين؟!..

شاللي صاير لي

باسبابك..،!

كنت اكتب وامسح

بغيابك ..!

اكتب وامسح..!

ذي تصلح هذي

ماتصلح…!

هذي اوضح

هذي اعمق..!

هذي تجرح..!

اكتب وامسح..!

ومدري كيف….!

احسب او اقيس

غيابك عمر غيابك

ما ينقاس..!

ولنفرض يعني ولنفرض

لو ينقاس غيابك

في كم

الاحساس..!

بالتخمين..!

او بالتفكير وساعاته

في هالراس…!

او لو قسته

بالتدخين..!

مدري كم..!

وادري بك ماعندك

دم..!

وادري لو اني احسبها بكثر

البين..!

وكثر الهم..!

وسهر العين..!

او خليني بس احسبها

بالتدخين…!

انتي

فعليا

عن

عيني

يمكن

غبتي

عشر

سنين….!