الدمعه اللي داخل العين ي قروب
من حرّ مابي فوق الاوجان ساحت
نجم أفل ما هو على الكيف وهروب
وقلوب من فرقا المحبين صاحت
إي والله انّه صاحت آ قلوب وقلوب
عن طاري اهل الفيس والفيس شاحت
البارحه ما بين ريضان ودروب
واليوم ... ويّى ركب الاموات راحت
البارحه طاهر جسدها زهى الثوب
واليوم .. مع أبيض كفنها تناحت
ماتت غريقه واختها تصيح من صوب
يالين ما ماتت معاها وفاحت
حزن وألم مع نبض الاوجاع مصحوب
ب ابيات شااعر من لظى الوجد ناحت
ترسم ملامح من صور نوب ويذوب
قلب ن حداه الضيق ويقول راحت