ما جيت متعني صداقات وإعجاب

ما جيت متعنّي صداقات وإعجاب

بالبث ولا خارج البث ياللّي

غرّك مكان (ن) يجمع آ خبول وأذناب

إلا على الطاري تعآ هون ئلّي

ما تدري أنّ الخالدي نتّف آشناب

أهل البدع والرأي قوم التّسلّي

بحلوقهم واقف ولا أحسب آ حساب

لا من حظرت احظر ولا اجهل محلّي

بحلوقهم واقف ولا أحسب آ حساب

وان غبت ما به من يسد بمحلّي

ما أتبع المقفي ولا أنشد أسباب

فرقى الردي مكسب ولا هو كفون لّي

ولا أرخي أسماعي على كل كذاب

عودّت نفسي تعتلي بي واعلّي

يعني حذاري طرد الأوهام ما صاب

من يدعي بالرأي خلّه يولّي

ما يسمع إلا صوته وفكره اصواب

مثل الذي من دون وضوّ ويصلي

قل يا أولي الألباب هم وين الألباب

من جامل المخطي ومنهو الليهلّي

اللي بليا ازهاب وشهو له ازهاب

عن حرّ شمس الحق ماله مضلّي

وأنا لك الله يا فتى سقت الركاب

عن زمرة التزيف طاهر سجلّي

الوقت ما يرحم والأيام دولاب

إما رفعنا الرأس ولا ندلي

أغراب عشنا وساعة الموت أغراب

وش له أجامل خلق الله وأنا اللي

للشعر شاعر أفتل القاف ما هاب

وان أكثروا بالزيف ينبيك قِلّي

إني أنا العرّاب من دون عراب

والمنتحي ما جاوز أحدود ظلّي

فطره من الله خالقي رب الأرباب

طنخات رطبي في رحيلي وحلّي

وأنا أكبر أكبر حيل من كل الألقاب

والمستشعرين اللي على طير ياللي

لله دري كل ما قافي اِنساب

ب إحساس ما مثله ولا ربع ملّي

عانق كفوف الغيم ولا أنت لعّاب

حتى بمنامك تعقب تشوف ذلّي

حاظر جوابي دونك آ وطقة الباب

واحذر تثوّر طقّة الباب غلّي

أفتح عليك أبواب وأغلق أبواب

وأنا أهيجن لال... يالال يللّي

أفتح عليك أبواب وايجازي سهاب

وشلون لا أسهبت وانا امتجلّي

بالجوف ذيب ن ل انتهض كشر الناب

واخر ضحيّه بالخطا جاب شلّي

ولا تحسب ليا غبت ملّيت أنا غياب

المغني الله عن غلوّ وتغلّي

ما عندي اللي أخسره عقب الأحباب

ريّض وإلا جيت وإن جيت كلّي

لأني من الآخر أنا بنتف أشناب

أهل البدع والرأي قوم التسلّي