قالو تحب ولك بدرب المحبين
وتهزك دروب الهوى وما طراها
قلت أعشقه وأغليه وباقي لها الحين
مستوطنه قلبي ويرفض سواهة
مرو علي من العذارى الملاين
ما حركنه بالهوى عن هواها
أحبها حب العرب إليا فلسطين
وأشتاقله شوق البدو لمزن ماها
ملهوف بعيونه مدري أنا وين
أعشق روابيه وأعشق ثراها
ما قول في نفسي غير شيئين
لا مرت أطيوفه بقلبي وطراها
سبحان من نزل تبارك وياسين
وجمل تواصيفه وكل بهاها
أحب في دنياي واحد على إثنين
أمي وهي وقبله الله علاها
يالله يا خالق أرضك بيومين
وزودً بها يومين قدر ودحاها
إن كان مكتوب لي أريش العين
احفضه لي وفقه وسدد خُطاها
وزين بها دنياي وأكمل بها الدين
وأخذها في شرعك وعلى سن طاها