تعالي تنبت ف صدري أغاني
من الحانك وتوزيعك وشعري
تعالي.. صرت بك إنسان ثاني
كأني.. بك بديت اعيش عمري
تعالي.. كل ما فالكون فاني
ويبقى حبي المجنون عذري
تعالي.. غيّري شكل الثواني
يطول الليل قبل يبين فجري
تعالي.. فسري كيف الأماني
تعيش بدون ما نشعر وندري
تعالي.. كل ما فيني يعاني
من الحرمان.. رمّد كل جمري
تعالي.. عطّري باقي زماني
وكوني لي أحاسيسي وعطري
تعالي.. إنعقد مني لساني
وانا ما قلت لك مكنون صدري
معك بالذات احس اني أناني
أب اعيشك غرام بشكل حصري
تعالي تنبت ف صدري أغاني
من الحانك وتوزيعك وشعري