رحتي زي ما هي راحت
خدتي وقتك وبالسلامة
سبت زي ما هي سابت
ذكري ووردة وأبتسامة
متعشيش الدور عليهم
متقليش سبته ورميته
متجبيش سيرتي ليهم
متقليش خلاص نسيته
ما انتي عارفه الي جرا
وهاتي الدفاتر تتقرا
وان كنتي ناسيه افكرك
وارجعي شوية لورا
فاكرة كام مرة اتواعدنا
والقمر شاهد علينا
فاكرة كام مرة اتعاهدنا
الفراق ميكنش لينا
كنت تتمنيني مرة
الف مرة نديت عليكي
تحكي عن حلم وعجبك
تاني يوم أخليه حقيقي
كنت زي ما انتي عيزه
للأسف كنت شاريكي
كل مرة لمحت ظلمك
قسوتك وانتي الضعيفه
كل مرة بشوف قرارك
تبعدي بنهاية سخيفة
هي مش عافية الحكاية
حقك متكنيش معايا
بس حقي مكُنش لعبة
تكسري ضلوعها بخيانة
يلا مش هطول عليكي
اصلها مبقتش فارقه
انتهت حكايتنا بأديكي
بس أنتهت خليكي عارفه..