انا الحارس ..
على زنزانة الماضي ..
وانا المسجون ..
والقاضي !
وانا من ينحت اوجاعه " على قدّ العُمر " مركب "!
وانا الربّان .. وين اهرب ؟
وانا من غاص في بحرك من المشرق الى المغرب
وتاه بثورة امواجك ..
وكان الملح له مشرب
وكم كان العطش ظامي وقال ان الظما .. أعذب
وانا من فكّر يحبك " ب 100 قلب " ما يتعب !
وش اسوأ من حديث الما ؟
إذا سال " وبتر غصنين "
وش اسوأ من يد الظلما ؟
اذا كانت مثل " رمحين "
على مهل الضيا
يمكن !
أحب أني معك " احزن "
او اني م اعرف " الأحسن " ؟ أو اني يمكن .. ويمكن !
فقدت أشياء " من ذاتي " - وصرت أغرف لها صوتي - من آخر أول الآتي !
أحبك " قلتها بكذب "
احبك " تنكتب واشطب "
أحبك " آه واتسرّب " مثل معدن ويتذهب "
أحبّك : مِله ومذهب!
أحبك : وان بغيت أهرب !
لقيتك ظِل يتشعب !
لقيتك : كاس منه " أشرب "
أحبك : والحكي يركض ..
بفمّ الوقت " والعقرب "
ولاطلتك - ولانلتك - ولاخذتك معي ل اقرب
حدود العالم " الاغرب "
واظل اكتب
واذا شفت الظنون " اشطب "