لياك تستغرب من الوقت وش فيك؟
وكان انت مستغرب من الحين..توّك
اللي منول صاحب ٍ لك مصافيك
ماهي غريبه لوتشوفه عدوٌك
وماهي غريبة لوغدر بك بناخيك
واذا لمست الورد بيدك تشوٌك
واللي على جوّك ودربك مخاويك
تلقاه ماهو في طريقك وجوٌك
واللي حفظ هرجك وجمّع حكاويك
تلقاه مع غيرك بهرجك تسوّك
مثل اختلاف الناس حول الصعاليك
متخالفين في نزولك/علوّك
في هالزمن مهما تسامت مباديك
يشغلك ناس ٍ تنزعج من سموًك
ولاتقارن الحاضر بمقياس ماضيك
انس السعف ومن السمر شب ضوّك
لياك تستغرب من الناس وش فيك؟
ان كنت مستغرب ومحتار توّك!!
لياك تستغرب من الناس وش فيك؟
ان كنت مستغرب ومحتار توّك!!