قلبي خفق له خفقةٍ بين الأضلاع
ومن خفقته حطم محاني ضلوعه
على الذي قلبي معه دوم مطواع
ماعاد يخرج عن مرامه وطوعه
لا ياحبيب الروح انا منك ملتاع
أرفق على اللي ذارفاتٍ دموعه
قلبي نهيته عن غرامك ولا طاع
راضي بحبك والليالي تلوعه
أعطف علي وداوللي كل الأوجاع
وأرفق على اللي منك نفسه جزوعه
ضاع العمر مني وحتى العقل ضاع
ماعاد أميّز يومها من سبوعه
دمعي بحر والعين للمركب شراع
أبحر على طيفك بدنيا قطوعه