ما عاد ودي لو دقيقه... تسكتون
وإن جا (العشا)؟ روحو وخلوني... كلو
النفس؟ منسده... وأحس إني؟ امغبون
والعين؟ بيرٍ فاض... والجفن؟ الدلو
يا شايبي (تكفى) ويا آخواني؟ بآآمون
وتكفون (يا أهل البيت) الأسفل والعلو
آآباخذ اشماغي... وش اللي تامرون؟؟
من قبل لا امشي يا مواليني (قُلو)
أنا احتمال الغي (جهاز التيليفون)
وإن طالت الغيبة تمالو وإسألو
وان ودكم باللي حصل لي تعرفون
أخاف من هرج العواذل لا ابتلو
الهم والتفكير وإكثار الظنون
تناوشو حدب الحنايا... واقتلو
ماتت عروق الروح من كثر الطعون
ياللي عروق الروح عندك؟ قد سلو
إن كان عشرة صاحبك عندك (تهون)
ماهو كذا يا صاحبي الصده ولو
على الأقل اتصد عن دربي؟ ابهون
ياللي بفعلك قلت لي … حامض حلو
يومين غايب قلت... معذور وتمون
وذا اليوم رابع... لا مسج … ولا آآآآآلو