خِذ إيديني ..
وخِذ " صدري "
وأنا اقبل - منّك التقصير
وبرضى لو غفت بسمه ..
وتاهت في مدى كِلمه " وشاخت ب آخر التبرير "
لأن والله " ماهي بخير "
خذ أحساسي - وخذ حتى وجع " ناسي "
وخِذ : شِعري - وكِل إيديه !
ولاترهقني " وتلويه "
ولا تملاني ب ايّة : ليه ؟
إذا عنّي أحبه " إيه "
ولكن " هالوجع ماابيه "
أنا ودّي " إذا اكتب فيه - يكون آخر حكي " أرثيه "
ف لا تحكي عن أيّة مجد ..
ولا تحكي لي إني نِد
أنا لاني مَعَا - أو ضِد !
أنا أتنفس - من الصفحه
إذا وقتي " غرز رمحه "
وهي ياطِيبها " سمحَه "
أنا مابي كثير أشيا - أبتنفس لجل أحيا ..
ترى تفرق - إذا تغرق !
إذا تكتب " وكم تحرق " ؟
إذا في زحمة اوجاعك - تحمّلك الشعر طاعك
ويقبل حِدة أطباعك - ومرّر كل أوضاعك !
خذ التاريخ - متأرخ
ولا تغضب وتتأفف : أنا أصلاً صوتي " مجغرف "
حمَلني هالشعر " أعوام "
حضن صدري قبل ماانام !
شبي أكثر ؟
وفيه أكثر ؟
إذا هو نور هالظلمى - واذا هو ماء يوم أظما
وإذا احبابي تناسوني - شراني يوم باعوني
شبي أكثر ؟
وفيه أكثر ؟
اذا ودّك - خذه كلّه - " معَ أوجاعي "
أو أتركني معه - خلّه " وهو واعي"
وأنا أوعى من قلم سافِر !
فنى حِبره - وهو فاجر !
تزوّج صفحه - وغادر
بعد عُمر : انجبوا ماكِر !