خوذي مواثيق الغلا وهاتي عهود
انك تحبيني كثر ما هويتك
أنا لك أسوار ومصدّات وحدود
أرضك على قلبي والاضلاع بيتك
يابنت أحبك حب اكبر من الطود
ليتك تحسين بغرامي يا ليتك
انا حضوري يهز اشناب وأسود
وانتي حضورك هزني من رأيتك
مايشبهك في عيني إلا صدى الجود
مهره ولا هنا بالعرب مثل صيتك
عطرك شذى الأزهار وابياتي ورود
باقطف لك ازهار الشعر لا لقيتك
ياملهمة شاعر غدى فيك به زود
زايد بحبك في غرامك فديتك