يا شمس عمري والخليقه كواكب
غديت نجم ٍ في مدار المواليف
عشّاق حسنك في بحورك مراكب
خطّوا رسايلهم بروس المجاديف
نظراتهم زفّت حضورك مواكب
واوصافك بليلة سمرهم سواليف
زحمة عيون !!وهمس ، زحمة مناكب
كل الوجيه بْدرب بيتك معاريف
للورد في دافي شفاتك مساكِب
والموت له في كحل عينك تصاريف
يا بنت انا ما جيت للدمع ساكب
هي غلطةٍ و اقفت مثل غيمة الصيف
بالقلب جرح وللوسيعه مناكب
عن قلبك اللي شحّ بفوالة الضيف
لا شك أوهن بيت بيت العناكب
واقشر غرام اللي من الزيف للزيف