يا كبر فقدك في عيوني وأنا أشوف
كن الفضا اسدل.. ب عيني ظلامه
همي كبر واستوطن بداخل الجوف
وشاهق بي الحرمان.. هم وملامه
الدمع في عيني غدى اليوم مذروف
يهطل حزن من فوق عال الغمامة..
اللي يهز إصفوف لا صارت إصفوف
فارض على كل.. الجميع احترامه
ما مات لي رجال يرجي بنا ضعوف
ماتت.. مقاليد.. الزعامة.. زعامة
وما مات لي زيزوم ترفع له كفوف
كرامةٍ.. يا حلوها.. من.. كرامة
رجلن حشيمٍ بالمواجيب موصوف
إمقدرن.. عند.. النشاما.. مقامه
ياوجد حالي لا غدى الهم لافوف
لاهبت الضيقة.. تصوب.. سهامه
كني على فرقاه ب اللون مخطوف
لو كابر.. الغازي.. بوجهه.. علامه
يسهر الياما يصبح الصبح ويشوف
وتسد.. نفسه.. عن لذايذ طعامه
ما عاد لي شفٍ ولانيب مشغوف
وعيوني.. اللي تنظر.. اصغر ايتامه
ادله مع الأفكار وأهيم وأنوف
ماكني.. إلا فاقدن.. لي ابتسامة
مرحوم يلي بالمواجيب معروف
الطيّبة.. مرجاه وغاية.. مرامه
يالله عساه بجنة الخلد مخلوف
ويالله عسى الجنه.. نزايل إعظامه
ما مات لي رجال يرجي بنا ضعوف
ماتت.. مقاليد.. الزعامه.. زعامه