ساكت
أنا أنا ساكت
و بكتم بنفسي
من سنين
آه من وجع الحنين
أنا ياما و ياما و ياما
إسهرت الليالي
بفكر بالغالي
و أنا عشت الحيره
و الضياع و التوهان
فيا همالالي لالي لالي
و أنا دمعتي سالت على خدي
و ماتت و بعدين مع هيك شغله
الله يقطع عمر القصه بكندره
عتيقه و مصديه و خربانه
و بعدين مع القصه
و بعدين لهسه
مش عارف أنساها
و بعدين مع القصه
و بعدين أنا رح أكظي
عمري سلف و دين
و دايما طفران مديون
عايف نفسي و الهدوم و الناس
وداير بين الدواير هايم محتاس حيران
و بعدين مع هيك قصص و قصه
عويصه لازمها حله من زمان
و بعدين مع القصه
أنا رح أكظي عمري
بالحزن و البكا و الأنين
و دمر عيشتي
و حالي و أحوالي
و كل هاض علشان
بنت مصديه مشمه
خانت أحساسي
و عاطفتي و عشرتي
و ركز معي
راحت لغيري
و من من من سنين
طب مع ألف سلامه
درب يسد ما يرد
و ينقفل وراه مليون قفل
و سرداب و دبابه
و أنا صحيت فقت
على حالي و أحوالي
من بعد الألم
و من بعد هيك صدمه
مؤلمه إلى أقصى حد
إلى الصميم يا صميم فؤادي و أشواقي
فمسكت حالي
قلت بنفسي
أنا رجل عيب أبكي
و أنهزم من أول مطب بحياتي
ففورا موتت الدمعه
قبل ما أجت بالجفن
و مسحتها بالمحرمه
و كبيتها بالزباله
يعني فكرك هيك حكي منطق
و لا فكرك هيك حكي معقول
آه من الصميم يا معقول
يا مشبوك شبك بالقيود
يا حزين يا مسكين
آه آه من الصميم
لا بل من صميم الصميم
هيك بالفعل الحكي المعقول
يعني فكرك منطق
أظل أبكي
عشان بنت
ما بتستاهل
قشرة بصله
مشمه و مخمجه
و بكل أريحيه
و بكل سهوله
باعتني باعتني
أنا كتوم يا خوي
و ما بحب أجرح حدا
لا بكلمه و لا بسكين
أنا بحالي لحالي مسالم
و كافي خيري شري
و أنا ما بحب أشكي
و لا بحب أبكي
لأي حدا قدامي
إلا رب العالمين
هو وحده أكيد
عارف مصابي
و الجرح الأليم
و صرت زي الأطرش بالزفه
و زي الأخرس بإنفعالي
و بتلاقيني مرات بغرفتي
بنسى بنسى حالي
و بسأل شلي صار
لهيك أتغيرت و إتبدلت الأحوال ؟
و مرات لما أوخذ راحتي
و ما حدا شايفني
مرات بصرخ
مرات بكسر
مرات بعصب
و بضرب بكل قوتي الحيطان
و كالعاده بضرب أخماس بأسداس
و مرات بصراحه
و الصراحه راحه ببكي
ليش مش عارف يا أخي
هيك شعور غامض بلا بلا وعي
و مش بس بسبب إفراقك
بصراحه هو جزئ لا يتجزئ
من عدمي و فشلي بالحياه
التعبانه الخربانه
لأني فقت و إكتشفت
إكتشاف خطير للغايه
أني أنا في الحياه فاشل
ما بستحق قشرة بصله
أنا عايش عله و عاله
و كل الناس يا خوي
مستقلعه مني
مش عارف
شو إللي صارلي
لحتى حبيبتي
تركتني و هجرتني
و لا حدا حس فيه
و واساني و عزاني
و لا بدي حدا يسئل فيه
و لا بدي حدا يحس فيه
لأني إتعودت
بصراحه يا خوي
أداوي أجروحي
بروحي و مش
محتاج أبن مره جنبي
و الحمد ل الله
كل أموري بلا إستثناء طيبه
الحمد ل الله