يامن مشيت بعروق القلب بعثرني
حُبك يرتب قوافي الشعر واوزانه
مرات اشوفك ثقيل ولا تعبرني
ومرات اشوفك حنان الام بألوانه
زيد بغرورك ابد ما اقول تقهرني
باكر حنانك يعزف القلب بألحانه
ان شفت صورة وفا واخلاص صورني
شفني انا اللي نطقني الصدق بلسانه
بردان وصلك تعال ارجوك جمّرني
خل المواصل يدفي قلوب بردانه
خذني سحاب وبكل احساس مطرني
قيعان حبك مع الاشواق عطشانه
خذني بحنانك وخذني لين تغمرني
وذوّب خفوقٍ مشيت بكل وديانه