طيفك خطر بالبال من عقب هالصّد
ومن غير طاري يالغزال الهنوفي
وقرّرت أقدم لك، بطاقه من الورد
وأقابلك..! ياعلّ، قلبك، يروفي
قدّمت لك قلبي،، على راحت اليد
والدم ينزف، بين، أصابع كفوفي
ناقش عليه،، إسمك،، بدمٍ تجمّد
وبحرارة ملا قاك، سالت حروفي
ظنيت أنا حبك، على سابق العهد
وأثره يناقض، ما ثبت في كشوفي
وأصبح من الإحساس قلبك مجرّد
وأنا أحسب إنه، مثل قلبي عطوفي
ياحسرتي،، يوم الأمل بك، تبدّد
وأحلامنا ضاعت،، وعينك تشوفي
ومع الأ سف حظ الشقاء فيك ملتد
وأنا بعد..؟ ما ساعدتني، ظروفي
أخفي صوابٍ داخل الصدر يلهد
وأضحك مجامل والبلا وسط جوفي
وقلبٍ عصاني، في هواك وتردّد
اليوم...! توّه عارفٍ سّر، خوفي
ياما نصحت.! وقلت له سكتك سد
وترى الندم ماهو بيبري الحسوفي