يارفيج
الخير
يارفيج الخير لاتهوى الضنون
ولاتلوم اللي عيونه ماتنام
كثر لومك جرحت فيه الجفون
وصار تايه وسط همه والزحام
أن عذلته صارت ايامه سنون
وصارت ضنونك مثل طعن السهام
ياربيع القلب وش بك ياشجون
ياعباره ذابت فصمت الملام
ارحم اللي حالته دايم فهون
وأتركه يرتاح ويذوق المنام
شوف حاله غادين سجم وجنون
وابتلاه الهم وخلاه بحطام
روفبه وأرعاه كانك به حنون
وأغفر الزلات وخصه بالسلام
طيفك بقلبي مثل غيث المزون
حايزن عالطيب وأوصاف الحشام
باجي لعهدك انا طول السنون
صاين العشره بلاكود وملام
عالين قدرك ولا يومن يهون
من مثلكم يملك القلب بخزام
ويتربع فالحشا ووسط العيون
صحبتك عندي مثل وقت الغمام
يعل ربي يجنبك كل الضنون
ويعلها دارك على الدوم بسلام
ويعلها الأفراح بديارك سكون
ويعله الوسمي عليكم كل عام