محبوبتك ياسعود اثقل عليها
لن الرجل مايتبع البنت ياسعود
ابنصحك مدام قلبك يبيها
البنت لا طنشتها تعشقك زود ؟
لو انت من قاص الحشا تهتويها
لا تقولها اغليك ياشيخة الخود
اثقل وكابر لا تفكّر تجيها
حتى ولو تعطي مواثيق وعهود
البنت لو حطيت روحك بديها
عادي ومعروفك مع الوقت مجحود ؟
لو الحلا والملح والزين فيها
بيّن لها ان الحلا عمر محدود
تبا المره تغليك ؟ اثقل عليها
لن المره ماتنعطى وجه ياسعود