يا حزن قلبي رفرف أسراب وأسراب
وانصب يا دمعي غمايم غمايم
يا رب في نافع وصيب وصباب
تخضر به قبل الجبال النسايب
بعض الأقارب في حقيقتهم أغراب
حتى انتصارك يجعلونه هزايم
والناس يا فيصل معادين وأحباب
فيهم دنادينٍ وفيهم هلايم
البعض يرعى في السما نجم وشهاب
والبعض يرعى الأرض مثل البهايم
البعض منهم تفجده كل ما غاب
والبعض غايب لو تقابله دايم
يا قلّهم لا قفل الحظ الأبواب
يا كثرهم لا جات صحون العزايم